"Реал Мадрид" бош мураббийи Карло Анчелотти "Ливерпуль"ни тарк этиб, тез орада эркин агентга айланадиган ҳужумчи Роберто Фирминони ўз жамоасига қўшилишини истайди. Эслатиб ўтамиз, кеча бразилиялик Юрген Клопп жамоаси билан хайрлашув ўйинини ўтказиб, "Саутгемптон" дарвозасига гол урган эди.
Diario AS хабарига кўра, Анчелотти Фирминонинг ўйини ва тажрибасини ёқтиради. Италиялик мутахассиснинг фикрича, Роберто кейинги мавсумда Карим Бензема учун жиддий рақобатчига айланиши мумкин. Бироқ “Реал Мадрид” раҳбарияти ҳозирча клуб 31 ёшли бразилияликни таклиф этиши керакми ёки йўқми, бир қарорга келмаган.
