"Тоттенхэм" ҳужумчиси Харри Кейн жамоа билан сўнгги ўйинини ўтказган бўлиши мумкин.
"Шпорлар" якшанба куни Премьер-лиганинг сўнгги турида "Лидс"ни 4:1 ҳисобида мағлуб этишди, Кейн иккита гол уриб, мавсумни 30 та гол билан якунлади. AS нашри хабарига кўра, 29 ёшли ҳужумчининг атрофидаги манбалар унинг келажак режалари ҳақида маълум қилишган - футболчи шу ёзда "Тоттенхэм"ни тарк этишга қарор қилган. Англиялик футболчига "Реал", "Бавария" ва "Манчестер Юнайтед" қизиқиш билдирмоқда.
Кейннинг "Тоттенхэм" билан шартномаси 2024 йилгача мўлжалланган. Transfermarkt унинг трансфер қийматини 90 миллион еврога баҳоламоқда.