"Tottenxem" hujumchisi Xarri Keyn jamoa bilan so‘nggi o‘yinini o‘tkazgan bo‘lishi mumkin.
"Shporlar" yakshanba kuni Premyer-liganing so‘nggi turida "Lids"ni 4:1 hisobida mag‘lub etishdi, Keyn ikkita gol urib, mavsumni 30 ta gol bilan yakunladi. AS nashri xabariga ko‘ra, 29 yoshli hujumchining atrofidagi manbalar uning kelajak rejalari haqida ma’lum qilishgan - futbolchi shu yozda "Tottenxem"ni tark etishga qaror qilgan. Angliyalik futbolchiga "Real", "Bavariya" va "Manchester Yunayted" qiziqish bildirmoqda.
Keynning "Tottenxem" bilan shartnomasi 2024 yilgacha mo‘ljallangan. Transfermarkt uning transfer qiymatini 90 million yevroga baholamoqda.