Лиссабоннинг “Спортинг” клуби ярим ҳимоячиси Мануел Угарте “Челси” ва “ПСЖ” клубларининг трансфер мақсади бўлиб қолмоқда.
Хабарингиз бор, “Челси” уругвайлик футболчини асосий мақсад сифатида белгилаган ва уни трансферни қабул қилишга кўндиришга ҳаракат қилмоқда. Бироқ, инсайдер Фабрицио Романонинг янгиланган маълумотларига кўра, "ПСЖ" ҳам келишувга фаол интилмоқда ва агар бу баҳсда парижликлар ғалаба қозонишса, "Челси" "Брайтон" ярим ҳимоячиси Моисес Кайседо вариантига ўтади.
Transfermarkt маълумотларига кўра Мануел Угартенинг трансфер нархи 25 млн еврони ташкил қилади. Портал Моисес Кайседони анча қиммат 55 миллион еврога баҳолаган.
