Мариано Диас "Реал Мадрид"ни тарк этади ва клуб мавсумнинг маълум нуқталарида асосий марказий ҳужумчининг ўрнини боса оладиган янги ўйинчини сотиб олмоқчи. Relevo хабарига кўра, Мадрид клуби Хоселу трансфери бўйича дастлабки музокараларни бошлаган. Гап "Эспаньол"нинг 33 ёшли ҳужумчиси ҳақида кетмоқда.
2022/2023 йилги мавсумда Хоселу “Эспаньол” сафида 37 та расмий ўйинда майдонга тушди. Уларда ҳужумчи 17 та гол урди ва шерикларига 4 та голли узатмани амалга оширди. Нуфузли transfermarkt портали мутахассислари Хоселуни 6 миллион еврога баҳоламоқда.
