Mariano Dias "Real Madrid"ni tark etadi va klub mavsumning ma’lum nuqtalarida asosiy markaziy hujumchining o‘rnini bosa oladigan yangi o‘yinchini sotib olmoqchi. Relevo xabariga ko‘ra, Madrid klubi Xoselu transferi bo‘yicha dastlabki muzokaralarni boshlagan. Gap "Espanyol"ning 33 yoshli hujumchisi haqida ketmoqda.

2022/2023 yilgi mavsumda Xoselu “Espanyol” safida 37 ta rasmiy o‘yinda maydonga tushdi. Ularda hujumchi 17 ta gol urdi va sheriklariga 4 ta golli uzatmani amalga oshirdi. Nufuzli transfermarkt portali mutaxassislari Xoseluni 6 million yevroga baholamoqda.