"ПСЖ" ҳужумчиси Лионель Месси келажаги ҳақида яқин кунларда қарор қабул қилишни режалаштирмоқда, деб хабар беради Mundo Deportivo.
Нашрнинг ёзишича, “Барселона” ҳалигача футболчига таклиф билан чиқмаган.
Олдинроқ аргентиналик футболчига жуда катта шартнома таклиф қилишга тайёр бўлган футболчини сотиб олишга Каталония жамоасидан ташқари "Ал-Ҳилол" ҳам қизиқиш билдираётгани хабар қилинганди.
Футболчининг "ПСЖ" билан амалдаги шартномаси келаси ой якунига етади.
Олдинроқ парижликлар футболчини ўзида сақлаб қолмоқчи экани ва унга 100 миллион евро маош билан янги шартнома таклиф қилишга тайёр экани хабар қилинганди.
35 ёшли ҳужумчи 2005 йилдан 2021 йилгача Каталония клубида тўп сурган. Каталония жамоаси таркибида у 778 та ўйин ўтказиб, 672 та гол урган ва 303 та голли узатмани амалга оширган.