"ПСЖ" раҳбарияти ҳужумчи Неймарнинг хатти-ҳаракатидан норози, деб хабар беради GOAL.
31 ёшли бразилиялик вингер Париж клубининг чемпионлик ўйинини ўтказиб юборди ва унинг ўрнига Монте-Карлога йўл олди. Қайд этилишича, Неймарнинг йўқлиги "ПСЖ" раҳбарияти томонидан провокация сифатида қабул қилинган.
Парижликлар Франция чемпионати якунланишидан олдин “Страсбург” билан дуранг (1:1) эвазига чемпионлик унвонини олишди. Ўша пайтда Неймар покер турнирида эди, эртаси куни эса Монако Гран-присида Формула 1 ҳайдовчилари билан вақт ўтказди.
Неймар 2017 йилнинг августидан бери "ПСЖ" сафида тўп суради. 2022/23 йилги мавсумда ҳужумчи барча мусобақаларда жамоаси сафида 29 та ўйинда майдонга тушиб, 18 та гол урди ва 17 та голли узатмани амалга оширди. Айни дамда тўпиғидан олган жароҳатидан фориғ бўлмоқда.
