"ПСЖ" ҳужумчиси Лионель Мессига Премьер-лигадан таклиф бор, дея хабар беради Ole.
Манбага кўра, аргентиналикда бир нечта таклифлар бор, улардан баъзилари сўнгги кунларда келиб тушган. Саудиянинг “Ал-Ҳилол” клубидан ташқари футболчида "Интер Майами"га ўтиш имконияти бор. Шунингдек, 35 ёшли футболчи билан еврокубокларда иштирок этаётган Премьер-лига клуби шартнома имзолашга ҳаракат қилмоқда.
Олдинроқ Месси "Барселона"дан унга фойдали таклиф бўлишини кутаётгани хабар қилинганди.
2022/23 йилги мавсумда форвард 40 та ўйинда майдонга тушиб, 21 та гол урди ва 20 та голли узатмани амалга оширди. Футболчининг "ПСЖ" билан амалдаги шартномаси келаси ой якунига етади.