"PSJ" hujumchisi Lionel Messiga Premyer-ligadan taklif bor, deya xabar beradi Ole.
Manbaga ko‘ra, argentinalikda bir nechta takliflar bor, ulardan ba’zilari so‘nggi kunlarda kelib tushgan. Saudiyaning “Al-Hilol” klubidan tashqari futbolchida "Inter Mayami"ga o‘tish imkoniyati bor. Shuningdek, 35 yoshli futbolchi bilan yevrokuboklarda ishtirok etayotgan Premyer-liga klubi shartnoma imzolashga harakat qilmoqda.
Oldinroq Messi "Barselona"dan unga foydali taklif bo‘lishini kutayotgani xabar qilingandi.
2022/23 yilgi mavsumda forvard 40 ta o‘yinda maydonga tushib, 21 ta gol urdi va 20 ta golli uzatmani amalga oshirdi. Futbolchining "PSJ" bilan amaldagi shartnomasi kelasi oy yakuniga yetadi.