Каталониянинг “Барселона” клуби Лионель Мессини жамоага қайтаришда муваффақиятсизликка учраган тақдирда, унинг ўрнига кимни таклиф қилишга уриниб кўриши маълум бўлди. Журналист Жерар Ромеронинг фикрича, "Манчестер Сити" ярим ҳимоячиси Бернарду Силва "кўк-анорранглилар" учун захира вариант ҳисобланади.
Эслатиб ўтамиз, португалиялик футболчи ўтган ёзда "Камп Ноу"га ўтиши мумкин эди, бироқ ўшанда "Манчестер Сити" футболчи учун ортиқча товон пули талаб қилганди. Силва "Барселона"га ўтишга қарши эмас, аммо ҳозир ҳам каталонияликлар унинг трансфери учун камида 60 миллион евро тўлашлари керак.
Бернарду Премьер-лиганинг сўнгги мавсумида 4 та гол урди ва 5 та голли узатмани амалга оширди.