Kataloniyaning “Barselona” klubi Lionel Messini jamoaga qaytarishda muvaffaqiyatsizlikka uchragan taqdirda, uning o‘rniga kimni taklif qilishga urinib ko‘rishi ma’lum bo‘ldi. Jurnalist Jerar Romeroning fikricha, "Manchester Siti" yarim himoyachisi Bernardu Silva "ko‘k-anorranglilar" uchun zaxira variant hisoblanadi.
Eslatib o‘tamiz, portugaliyalik futbolchi o‘tgan yozda "Kamp Nou"ga o‘tishi mumkin edi, biroq o‘shanda "Manchester Siti" futbolchi uchun ortiqcha tovon puli talab qilgandi. Silva "Barselona"ga o‘tishga qarshi emas, ammo hozir ham kataloniyaliklar uning transferi uchun kamida 60 million yevro to‘lashlari kerak.
Bernardu Premyer-liganing so‘nggi mavsumida 4 ta gol urdi va 5 ta golli uzatmani amalga oshirdi.