"Арсенал" ярим ҳимоячиси Эмиль Смит-Роу ёзги трансферлар вақтида жамоани тарк этмайди.
Аввалроқ "Арсенал" Смит-Роуни сотиш ҳақида ўйлаётгани ҳақида хабар берилганди, бироқ 22 ёшли ярим ҳимоячи лондонликларнинг келажак режаларининг бир қисми бўлиб қолмоқда, дея хабар беради The Telegraph.
Смит-Роу ўтган мавсумда "канонирлар" сафида барча мусобақаларда 15 та ўйинда майдонга тушиб, 2 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.