"ПСЖ" "Бавария"дан ҳимоянинг марказда ҳам, чап қанотида ҳам ўйнай оладиган ҳимоячи Люка Эрнандесни қўлга киритиш уринишларидан воз кечмаяпти. Журналист Флориан Плеттенбергнинг сўзларига кўра, франциялик футболчини “ПСЖ” президенти Носир Ал-Хелайфи ўз жамоасида кўришни жуда хоҳлайди.
Эрнандеснинг ўзи "Бавария" билан шартномасини узайтиришга шошилмаяпти. "ПСЖ" Люкага французнинг Мюнхенда оладиган маошидан анча юқори маош таклиф қилмоқда. Бироқ Париж клуби ҳозирча “Бавария”га расмий трансфер таклифи билан мурожаат қилмаган.
Эслатиб ўтамиз, Эрнандеснинг "Бавария" билан шартномаси 2024 йилнинг ёзида якунига этади. Люка Мюнхен клуби тарихидаги энг қиммат трансфер ҳисобланади.
