"PSJ" "Bavariya"dan himoyaning markazda ham, chap qanotida ham o‘ynay oladigan himoyachi Lyuka Ernandesni qo‘lga kiritish urinishlaridan voz kechmayapti. Jurnalist Florian Plettenbergning so‘zlariga ko‘ra, fransiyalik futbolchini “PSJ” prezidenti Nosir Al-Xelayfi o‘z jamoasida ko‘rishni juda xohlaydi.
Ernandesning o‘zi "Bavariya" bilan shartnomasini uzaytirishga shoshilmayapti. "PSJ" Lyukaga fransuzning Myunxenda oladigan maoshidan ancha yuqori maosh taklif qilmoqda. Biroq Parij klubi hozircha “Bavariya”ga rasmiy transfer taklifi bilan murojaat qilmagan.
Eslatib o‘tamiz, Ernandesning "Bavariya" bilan shartnomasi 2024 yilning yozida yakuniga etadi. Lyuka Myunxen klubi tarixidagi eng qimmat transfer hisoblanadi.