Бельгиялик вингер, 29 ёшли Янник Карраско ёзги трансфер ойнасида Мадриднинг “Атлетико” клубини тарк этишга яқин турибди. Испан ОАВ хабарига кўра, ярим ҳимоячи хизматларига Мюнхеннинг “Бавария” клуби қизиқиш билдирмоқда.
Немис гранди Карраско учун “Барселона” билан рақобатлашиш ниятида. Олдинроқ "кўк-анорранглилар" Янникни 15 миллион евро эвазига трансфер қилишга яқин экани хабар қилинганди.
Бельгиялик футболчи 2020 йилнинг сентябридан буён “матрасчилар” сафида ўйнамоқда. Шартнома 2023/2024 йилги мавсум охиригача амал қилади.
Янник жорий мавсумда Ла Лигада 35 та ўйинда майдонга тушиб, 7 та гол ва 3 та голли узатмага муаллифлик қилган.
