Belgiyalik vinger, 29 yoshli Yannik Karrasko yozgi transfer oynasida Madridning “Atletiko” klubini tark etishga yaqin turibdi. Ispan OAV xabariga ko‘ra, yarim himoyachi xizmatlariga Myunxenning “Bavariya” klubi qiziqish bildirmoqda.
Nemis grandi Karrasko uchun “Barselona” bilan raqobatlashish niyatida. Oldinroq "ko‘k-anorranglilar" Yannikni 15 million yevro evaziga transfer qilishga yaqin ekani xabar qilingandi.
Belgiyalik futbolchi 2020 yilning sentyabridan buyon “matraschilar” safida o‘ynamoqda. Shartnoma 2023/2024 yilgi mavsum oxirigacha amal qiladi.
Yannik joriy mavsumda La Ligada 35 ta o‘yinda maydonga tushib, 7 ta gol va 3 ta golli uzatmaga mualliflik qilgan.
