“Реал”нинг украиналик ёш дарвозабони Андрей Лунин жамоани тарк этмоқчи.
Marca хабарига кўра, дарвозабон кўпроқ ўйин амалиётига эга бўлишни хоҳлайди, аммо у "Реал Мадрид"да бу қийин вазифа бўлишини тушунади. "Қаймоқранглилар" раҳбарияти аллақачон унга ўринбосар қидирмоқда.
Манбага кўра, агар ўтган йили худди шундай вазиятда Давид Оспина ва Габриэль Слонина вариантлари кўриб чиқилган бўлса, ҳозирда биринчи навбатда "Реал Мадрид" "Хетафе"нинг асосий дарвозабони Давид Сорияни Лунин позициясида кўрмоқда.
Луниннинг "Реал" билан шартномаси 2024 йилда якунига етади. Transfermarkt портали дарвозабонни 5 миллион еврога баҳоламоқда.
У жорий мавсумда Ла Лигада 7 та ўйинда майдонга тушиб, 7 та гол ўтказиб юборди.
