“Real”ning ukrainalik yosh darvozaboni Andrey Lunin jamoani tark etmoqchi.
Marca xabariga ko‘ra, darvozabon ko‘proq o‘yin amaliyotiga ega bo‘lishni xohlaydi, ammo u "Real Madrid"da bu qiyin vazifa bo‘lishini tushunadi. "Qaymoqranglilar" rahbariyati allaqachon unga o‘rinbosar qidirmoqda.
Manbaga ko‘ra, agar o‘tgan yili xuddi shunday vaziyatda David Ospina va Gabriel Slonina variantlari ko‘rib chiqilgan bo‘lsa, hozirda birinchi navbatda "Real Madrid" "Xetafe"ning asosiy darvozaboni David Soriyani Lunin pozisiyasida ko‘rmoqda.
Luninning "Real" bilan shartnomasi 2024 yilda yakuniga yetadi. Transfermarkt portali darvozabonni 5 million yevroga baholamoqda.
U joriy mavsumda La Ligada 7 ta o‘yinda maydonga tushib, 7 ta gol o‘tkazib yubordi.
