Мадриднинг “Реал” клуби янги ҳужумчи билан шартнома имзолаш имкониятларини ўрганишда давом этмоқда.
Diario AS хабарига кўра, агар Карим Бензема кетса, бир нечта номлар кўриб чиқилмоқда. Мураббийлар штаби энг кўп “Тоттенхэм” ҳужумчиси Харри Кейнни афзал кўради.
Айни дамда "Реал Мадрид" ҳужумчи учун қанча тўлаши кераклигини аллақачон билиб олган. "Тоттенхэм" Кейнни 115 миллион еврога баҳоламоқда. “Шпорлар” АПЛдаги рақибларини кучайтирмаслик учун англияликни хориж клубига сотишни афзал кўрмоқда.
Манбанинг таъкидлашича, Кейннинг ўзи Англияни тарк этишни хоҳлаяптими ёки йўқми, номаълум. У Премьер-лигада Алан Ширернинг 260 та голли рекордини ортда қолдирмоқчи.
