Madridning “Real” klubi yangi hujumchi bilan shartnoma imzolash imkoniyatlarini o‘rganishda davom etmoqda.
Diario AS xabariga ko‘ra, agar Karim Benzema ketsa, bir nechta nomlar ko‘rib chiqilmoqda. Murabbiylar shtabi eng ko‘p “Tottenxem” hujumchisi Xarri Keynni afzal ko‘radi.
Ayni damda "Real Madrid" hujumchi uchun qancha to‘lashi kerakligini allaqachon bilib olgan. "Tottenxem" Keynni 115 million yevroga baholamoqda. “Shporlar” APLdagi raqiblarini kuchaytirmaslik uchun angliyalikni xorij klubiga sotishni afzal ko‘rmoqda.
Manbaning ta’kidlashicha, Keynning o‘zi Angliyani tark etishni xohlayaptimi yoki yo‘qmi, noma’lum. U Premyer-ligada Alan Shirerning 260 ta golli rekordini ortda qoldirmoqchi.
