“Барселона” футбол клубининг ёш тарбияланувчиси Ансу Фати жамоани тарк этишни истамаяпти.

Каталония радиоси журналисти Лаиа Туделнинг хабар беришича, ҳужумчи ўйин амалиёти кам бўлишига қарамай, "Барселона"да қолиб, фаолиятини клубда давом эттириш ниятида эканлигини аниқ билдирган.

20 ёшли ҳужумчи 2022/23 йилги мавсумда аввалгидек кўп жароҳат олмади, аммо шунга қарамай у асосий таркибда кўп майдонга тушмади. Фати жорий мавсумда Каталония жамоаси сафида 50 та ўйинда майдонга тушди, бироқ унинг ўртача ўйин вақти 36 дақиқани ташкил қилди. Ҳужумчи 9 та гол ва 4 та голли узатмани амалга оширди.