"Ливерпуль" "Ницца" ярим ҳимоячиси Кефрен Тюрамни сотиб олиш бўйича музокараларни бошлади. Бу ҳақда L'Equipe нашри ўз саҳифаларида хабар бермоқда.
Ёзги трансфер ойнасида "Ливерпуль" учун бир нечта ярим ҳимоячиларнинг кетиши фонида ўрта чизиқни кучайтириш муҳим вазифа саналади. "Энфилд"да 22 ёшли Тюрам ажойиб номзод сифатида кўрилмоқда.
Кефрен Тюрам 2019 йилнинг ёзидан бери "Ницца"да ўйнамоқда. Ўшандан бери ярим ҳимоячи 138 та ўйин ўтказиб, 8 та гол урган ва 11 та голли узатмани ҳамкорларига берган.
Transfermarkt портали мутахассислари Тюрамни 32 миллион еврога баҳоламоқда.