"Liverpul" "Nissa" yarim himoyachisi Kefren Tyuramni sotib olish bo‘yicha muzokaralarni boshladi. Bu haqda L'Equipe nashri o‘z sahifalarida xabar bermoqda.

Yozgi transfer oynasida "Liverpul" uchun bir nechta yarim himoyachilarning ketishi fonida o‘rta chiziqni kuchaytirish muhim vazifa sanaladi. "Enfild"da 22 yoshli Tyuram ajoyib nomzod sifatida ko‘rilmoqda.

Kefren Tyuram 2019 yilning yozidan beri "Nissa"da o‘ynamoqda. O‘shandan beri yarim himoyachi 138 ta o‘yin o‘tkazib, 8 ta gol urgan va 11 ta golli uzatmani hamkorlariga bergan.

Transfermarkt portali mutaxassislari Tyuramni 32 million yevroga baholamoqda.