Ижтимоий тармоқ инсайдери Фабрицио Романонинг сўзларига кўра, Лондоннинг "Челси" клуби ва франциялик ярим ҳимоячи Н'голо Канте ҳали янги меҳнат шартномаси бўйича келиша олишмади.
Сўнгги бир неча ой ичида томонлар музокаралар олиб боришди, аммо вазият ҳали ҳам ноаниқ кўринишда.
Бошқа клублар бундан фойдаланиб, ярим ҳимоячини ўзига жалб қилишлари мумкин. Н'голонинг трансферига Саудия Арабистони чемпионати вакиллари қизиқиш билдирмоқда.
32 ёшли ярим ҳимоячи 2016 йилнинг июлидан буён «Челси»да тўп тепади. Томонлар ўртасидаги амалдаги шартнома келаси ой охирида тугайди.
Канте жорий мавсумда АПЛда 7 та ўйинда майдонга тушиб, битта голли узатмани амалга оширди.
