Ijtimoiy tarmoq insayderi Fabrisio Romanoning so‘zlariga ko‘ra, Londonning "Chelsi" klubi va fransiyalik yarim himoyachi N'golo Kante hali yangi mehnat shartnomasi bo‘yicha kelisha olishmadi.

So‘nggi bir necha oy ichida tomonlar muzokaralar olib borishdi, ammo vaziyat hali ham noaniq ko‘rinishda.

Boshqa klublar bundan foydalanib, yarim himoyachini o‘ziga jalb qilishlari mumkin. N'goloning transferiga Saudiya Arabistoni chempionati vakillari qiziqish bildirmoqda.

32 yoshli yarim himoyachi 2016 yilning iyulidan buyon «Chelsi»da to‘p tepadi. Tomonlar o‘rtasidagi amaldagi shartnoma kelasi oy oxirida tugaydi.

Kante joriy mavsumda APLda 7 ta o‘yinda maydonga tushib, bitta golli uzatmani amalga oshirdi.