«Арсенал» «ПСЖ»нинг ярим ҳимоячи Мартин Эдегорга бўлган қизиқишларига муносабат билдирди. The Mirror журналистларига маълум бўлишича, "канонирлар" раҳбарияти француз гигантининг таклифини рад этган.
Лондоннинг топ-клуби яқинлашиб келаётган трансфер ойнасида ўз етакчиларини сотмасликка қатъий қарор қилди.
Англия премьер-лигасининг сўнгги мавсумида Эдегор 37 та ўйин ўтказиб, 15 та гол ва 7 та голли узатмани амалга оширган.
Норвегиялик ярим ҳимоячи 2021 йилнинг август ойидан буён "Арсенал"да тўп тепмоқда. Унинг Лондон клуби билан шартномаси 2025 йилнинг июнь ойи охиригача амал қилади.
