Қанот ҳужумчиси Неймар ёзги трансфер ойнасида "ПСЖ"ни тарк этиши мумкин. Инсайдер Экрем Конурнинг ёзишича, жанубий америкалик ҳужумчи фаолиятини Англия Премьер-лигасининг топ-клубларидан бирида давом эттирмоқчи.
Неймар хизматларига "Манчестер Сити", "Манчестер Юнайтед" ва "Ньюкасл" клублари қизиқиш билдирмоқда. Клублар вакиллари эҳтимолий трансфер бўйича бразилияликнинг агенти билан боғланишди.
Ҳужумчи 2017 йилнинг август ойидан бери Париж грандида тўп сурмоқда. Неймарнинг парижликлар билан амалдаги шартномаси муддати 2025 йилнинг июнь ойи охиригача ҳисобланган. Унинг трансфер нархи 70 миллион евро.