Qanot hujumchisi Neymar yozgi transfer oynasida "PSJ"ni tark etishi mumkin. Insayder Ekrem Konurning yozishicha, janubiy amerikalik hujumchi faoliyatini Angliya Premyer-ligasining top-klublaridan birida davom ettirmoqchi.
Neymar xizmatlariga "Manchester Siti", "Manchester Yunayted" va "Nyukasl" klublari qiziqish bildirmoqda. Klublar vakillari ehtimoliy transfer bo‘yicha braziliyalikning agenti bilan bog‘lanishdi.
Hujumchi 2017 yilning avgust oyidan beri Parij grandida to‘p surmoqda. Neymarning parijliklar bilan amaldagi shartnomasi muddati 2025 yilning iyun oyi oxirigacha hisoblangan. Uning transfer narxi 70 million yevro.