Саудия Арабистонининг “Ал-Иттиҳод” клуби яқин орада “Реал” ҳужумчиси Карим Бенземадан жавоб кутмоқда. Франциялик футболчи келажаги ҳақида бир қарорга келиши керак.
Журналист Фабрицио Романонинг хабар беришича, Бенземага йилига 100 миллион евро маош оладиган таклиф бор, бироқ франциялик футболчи ҳалигача “Ал-Иттиҳод”га якуний розилигини бермаган. Футболчининг қарорини Каримнинг амалдаги шартномасини узайтиришга тайёр бўлган "Реал" ҳам кутмоқда.
Эслатиб ўтамиз, Бензема "Сантьяго Бернабеу"да 2009 йилдан бери ўйнаб келмоқда, ўшандан "Қироллик клуби" франциялик ҳужумчини "Лион"дан сотиб олганди.