"Брентфорд" "Фрайбург" дарвозабони Марк Флеккен билан шартнома имзолади.
29 ёшли дарвозабон аллақачон тиббий кўрикдан ўтган ва жамоа билан 4 йиллик шартнома имзолаган. У виза билан боғлиқ масалаларни ҳал қилиши билан "Брентфорд"га ўтади.
Журналист Фабрицио Романонинг сўзларига кўра, "Брентфорд" Флеккеннинг 13 миллион евролик товон пулини фаоллаштирган.
2022/23 йилги мавсумда Флеккен Бундеслиганинг 34 та ўйинидан 13 тасида ўз дарвозаси дахлсизлигини сақлаб қолган. Бу Германия чемпионатидаги энг яхши кўрсаткич. Бундеслигада 5-ўринни эгаллаган “Фрайбург” келаси мавсумда Европа Лигасида иштирок этади.
Марк Нидерландия терма жамоасида 4 та ўйин ўтказган.