"Brentford" "Frayburg" darvozaboni Mark Flekken bilan shartnoma imzoladi.
29 yoshli darvozabon allaqachon tibbiy ko‘rikdan o‘tgan va jamoa bilan 4 yillik shartnoma imzolagan. U viza bilan bog‘liq masalalarni hal qilishi bilan "Brentford"ga o‘tadi.
Jurnalist Fabrisio Romanoning so‘zlariga ko‘ra, "Brentford" Flekkenning 13 million yevrolik tovon pulini faollashtirgan.
2022/23 yilgi mavsumda Flekken Bundesliganing 34 ta o‘yinidan 13 tasida o‘z darvozasi daxlsizligini saqlab qolgan. Bu Germaniya chempionatidagi eng yaxshi ko‘rsatkich. Bundesligada 5-o‘rinni egallagan “Frayburg” kelasi mavsumda Yevropa Ligasida ishtirok etadi.
Mark Niderlandiya terma jamoasida 4 ta o‘yin o‘tkazgan.
