Франкфуртнинг "Айнтрахт" клуби ҳужумчиси Рандал Коло-Муани келажаги ҳақида фикр билдирди.
Ҳужумчи бошқа клубга ўтишга шошилиш керак эмаслигини таъкидлади.
"Бу ерда ҳали ҳам шартномам бор ва шошилишим шарт эмас. "Айнтрахт"да бахтлиман ва бор эътиборимни жамоага қаратганман. Менда шу ерда қолиб, кейинги мавсумда Бундеслиганинг энг яхши тўпурари бўлиш имконияти бор", - деди Коло-Муани Sport1 нашрига.
Ўтган мавсумда Рандал Коло-Муани Германия чемпионатининг "гол+пас" тизими бўйича энг яхши футболчисига айланганди. 32 учрашувда у 15 та гол урди ва 14 та голли узатмани амалга оширди.
