Frankfurtning "Ayntraxt" klubi hujumchisi Randal Kolo-Muani kelajagi haqida fikr bildirdi.
Hujumchi boshqa klubga o‘tishga shoshilish kerak emasligini ta’kidladi.
"Bu yerda hali ham shartnomam bor va shoshilishim shart emas. "Ayntraxt"da baxtliman va bor e’tiborimni jamoaga qaratganman. Menda shu yerda qolib, keyingi mavsumda Bundesliganing eng yaxshi to‘purari bo‘lish imkoniyati bor", - dedi Kolo-Muani Sport1 nashriga.
O‘tgan mavsumda Randal Kolo-Muani Germaniya chempionatining "gol+pas" tizimi bo‘yicha eng yaxshi futbolchisiga aylangandi. 32 uchrashuvda u 15 ta gol urdi va 14 ta golli uzatmani amalga oshirdi.