“Реал” ҳужумчиси Карим Бензема клуб раҳбариятини келажаги борасидаги қарори ҳақида маълум қилди.
Footmercato хабарига кўра, ҳужумчи "Реал Мадрид"га Саудия Арабистонининг "Ал-Иттиҳод" клубига ўтиш ҳақида хабар берган. Олдинроқ 35 ёшли франсиялик футболчига йилига 100 миллион евро маош таклиф қилингани ҳақида хабар берилганди.
Бензема 2009 йилдан бери "Реал"да ўйнамоқда. Унинг клуб билан шартномаси 2023 йилнинг 30 июнига қадар амал қилади. Transfermarkt портали футболчининг нархини 35 миллион еврога баҳоламоқда.
Жорий мавсумда ҳужумчи барча турнирларда 42 та ўйинда майдонга тушиб, 30 та гол урди ва 6 та голли узатмани амалга оширди.
