“Real” hujumchisi Karim Benzema klub rahbariyatini kelajagi borasidagi qarori haqida ma’lum qildi.
Footmercato xabariga ko‘ra, hujumchi "Real Madrid"ga Saudiya Arabistonining "Al-Ittihod" klubiga o‘tish haqida xabar bergan. Oldinroq 35 yoshli fransiyalik futbolchiga yiliga 100 million yevro maosh taklif qilingani haqida xabar berilgandi.
Benzema 2009 yildan beri "Real"da o‘ynamoqda. Uning klub bilan shartnomasi 2023 yilning 30 iyuniga qadar amal qiladi. Transfermarkt portali futbolchining narxini 35 million yevroga baholamoqda.
Joriy mavsumda hujumchi barcha turnirlarda 42 ta o‘yinda maydonga tushib, 30 ta gol urdi va 6 ta golli uzatmani amalga oshirdi.