“Севилья” бош мураббийи Хосе Луис Мендилибар Европа лигаси финалида ғалаба қозонганидан сўнг ўз таассуротлари билан ўртоқлашди.

Испания Ла Лигаси вакиллари “Рома”ни (1:1 ва пенальтилар сериясида 4:1) мағлуб этиб, еттинчи марта иккинчи еврокубокдаги ғалабани нишонлашди. Мендилибарнинг ўзи учун бу соврин унинг бутун мураббийлик фаолиятидаги иккинчиси бўлди (у аввалроқ "Вальядолид" билан фақат Испания Сегундасида ғолиб чиққан эди).

"Бунга ишониш қийин. Бизга кубок ва медаллар топширилди ва биз ҳақиқатан ҳам Европа Лигаси ғолибига айлангандекмиз. Ўйлайманки, мен буни таътилдагина англай оламан", - деди 62 ёшли мутахассис ўйиндан кейин Movistar нашрига берган интерьвюсида.