"Рома" бош мураббийи Жозе Моуриньо журналистларга келажаги ҳақида гапирди.
Моуриньо шогирдлари Европа лигаси финалида "Севилья"га ютқазди (1:1 ва пенальтилар бўйича 1:4) – бу португалияликнинг бутун фаолиятидаги еврокубок финалидаги илк мағлубияти.
"Рома" хўжайинларига бошқа клуб билан музокараларни бошласам, албатта хабар беришимни айтдим. Декабрь ойида мени Португалия терма жамоасига чақиришди ва мен бу ҳақда хабар бердим. Мен билан ҳали ҳеч ким алоқага чиқмади.
Мен "Рома"да қолишни истайман, лекин менинг футболчиларим кўпроқ, мен ҳам кўпроқ нарсага лойиқман. Мен менежер, алоқа бўлими бошлиғи ва клубнинг юзи бўлишдан чарчадим. Мен қолишни хоҳлайман, лекин бунинг учун қулай шароитда, максимал даражада бераман", - деди Моуриньо.
