"Барселона" ҳали ҳам Лионель Мессини ўз сафига қайтаришга умид қилмоқда.
Тез орада "ПСЖ"ни тарк этадиган 35 ёшли футболчи каталонияликлар клубига ўтишни афзал кўради, бироқ "кўк-анорранглилар"нинг молиявий аҳволи туфайли келишув мураккаблашди. Баъзи манбаларга кўра, Месси учун курашда фаворит "Ал-Ҳилол" ҳисобланади. Журналист Хелена Кондиснинг сўзларига кўра, "Барселона" Лионель билан шартнома имзолаш ҳали ҳам мумкин деб ҳисобламоқда. Клуб футболчи президент Жоан Лапорта билан гаплашмагунча якуний қарорга келмаслигига умид қилмоқда.
Лионель Мессининг "ПСЖ" билан шартномаси июнь ойи охирида тугайди. "Клермон"га қарши навбатдаги ўйин, афтидан, футболчи учун Париждаги охиргиси бўлади.
