Каталониянинг "Барселона" клуби бош мураббийи Хави Эрнандес бразилиялик ярим ҳимоячи Рафинья Диаснинг келажаги ҳақида гапирди.
"Рафинья трансферга тайёр эмас. У клубда қолади ва бизга фойда келтиради. Мен учун Диас жамоанинг асосий ўйинчиларидан бири. Рафинья майдонда фарқ қилади", - деди Хави Mundo Deportivo билан суҳбатда.
26 ёшли бразилиялик футболчи ўтган йилнинг ёзида "Лидс"дан 58 миллион евро эвазига "кўк-анорранглилар" сафига қўшилган эди. Футболчининг шартномаси 2027 йилнинг ёзига қадар мўлжалланган.
Ла Лиганинг жорий мавсумида Рафинья 35 та ўйин ўтказиб, 7 та гол урди ва 7 та голли узатмани амалга оширди.
