“Шаҳарликлар” билан шартномаси июнь ойида якунига етадиган “Манчестер Сити” ярим ҳимоячиси Илкай Гюндогон “Барселона”га ўтишга яқин турибди, деб хабар бермоқда Sport.es нашри.
Каталонияликлар немис футболчисига 3 йил муддатга шартнома кафолатини беришди. Гюндоган келажаги ҳақида "Интер" билан 10 июнь куни бўлиб ўтадиган Чемпионлар лигаси финалидан сўнг маълум қилади.
32 ёшли футболчи молиявий томондан зарар кўради, аммо профессионал фаолиятини "Барселона"да якунлаш кафолатига эга бўлади.
Музокараларда асосий ролни Каталония жамоасининг бош мураббийи Хави ўйнади, у германиялик футболчини "Арсенал"дан қулай молиявий таклиф бўлган бўлса-да, Каталония клубини танлашга кўндирган.
Жорий мавсумда Гюндоган 49 учрашувда 9 та гол урди ва 6 та голли узатмани амалга оширди.
