“ПСЖ” Лионель Мессининг кетаётганини тасдиқлади.

“Франция пойтахтидаги икки мавсумдан сўнг Лео Мессининг “ПСЖ”даги саргузаштлари ўз ниҳоясига етди. Клуб Леонинг кейинги фаолиятига омад тилайди.

“ПСЖ” 7 карра “Олтин тўп” соҳибига миннатдорчилик билдиради. У билан бирга икки марта Франция чемпионатида ва бир марта Франция Суперкубогида ғалаба қозондик”, — дейилган клуб баёнотида.

Аввалроқ, парижликлар бош мураббийи Кристоф Гальтье ҳам Мессининг “ПСЖ”ни тарк этаётганини маълум қилганди.

35 ёшли Лео жорий мавсум Франция чемпионатида 31 та учрашув ўтказиб, 16 та гол ва 16 та голли узатмага муаллифлик қилди.