"Бетис"нинг ярим ҳимоячиси Хоакин Санчес фаолиятини якунлади. Испания чемпионатининг 38-тури доирасидаги “Валенсия”га қарши ўйин унинг профессионал даражадаги сўнгги ўйини бўлди.
"Кўршапалаклар" билан ўйинда иштирок этган 41 ёшли ярим ҳимоячи Испания чемпионатидаги ўйинлар сони бўйича дарвозабон Андони Субисарретанинг рекордини такрорлади (622). У майдондаги футболчилар орасида бу кўрсаткич бўйича рекордчига айланди.
Хоакин фаолиятининг кўп қисмини "Бетис"да ўтказган. Ярим ҳимоячи “Валенсия”, “Малага” ва “Фиорентина” клубларида ҳам ўйнаган. Испания терма жамоаси таркибида ярим ҳимоячи 52 та ўйин ўтказиб, 4 та гол урган.
