"Betis"ning yarim himoyachisi Xoakin Sanches faoliyatini yakunladi. Ispaniya chempionatining 38-turi doirasidagi “Valensiya”ga qarshi o‘yin uning professional darajadagi so‘nggi o‘yini bo‘ldi.
"Ko‘rshapalaklar" bilan o‘yinda ishtirok etgan 41 yoshli yarim himoyachi Ispaniya chempionatidagi o‘yinlar soni bo‘yicha darvozabon Andoni Subisarretaning rekordini takrorladi (622). U maydondagi futbolchilar orasida bu ko‘rsatkich bo‘yicha rekordchiga aylandi.
Xoakin faoliyatining ko‘p qismini "Betis"da o‘tkazgan. Yarim himoyachi “Valensiya”, “Malaga” va “Fiorentina” klublarida ham o‘ynagan. Ispaniya terma jamoasi tarkibida yarim himoyachi 52 ta o‘yin o‘tkazib, 4 ta gol urgan.
