"Манчестер Юнайтед" ярим ҳимоячиси Фред ёзда жамоани тарк этиши мумкинлигини айтди.

“Оилам билан гаплашишим керак, шартномам тугашига бир йил қолди. Ҳозир дам олиш вақти ва дам олиш учун яхши имконият. Мен ўз яқинларим, клуб билан гаплашаман ва ҳамма қандай қарор қабул қилишини кўраман. Мен шунингдек, тен Хаг билан ҳам гаплашишим керак.

Кейинги мавсум қандай ўтишини кўришимиз керак. Мен муҳим ўйинчи бўлмоқчиман ва жамоага ёрдам бермоқчиман. Ҳар доим "Манчестер Юнайтед"да жуда бахтли бўлганман ва шундай бўлиб қоламан. Албатта, мен доим ўйнашни, жамоамга ёрдам беришни хоҳлайман", — дея Фред сўзларини келтиради GOAL.

Олдинроқ 30 ёшли футболчига "Фулхэм" қизиқиш билдираётгани ҳақида хабар берилганди.