“Daily Sports”нинг хабар беришича, ЖЧ саралаш босқичида Ўзбекистон терма жамоаси билан бир гуруҳдан ўрин олган Жанубий Корея терма жамоаси аллақачон Эронда тайёргарлик кўрмоқда. 13 октябрь куни бош мураббий Чой Канг Хи ўзлари истиқомат қилаётган “Истиқлол” меҳмонхонасига 60 кишилик қўй гўштини буюртма берди.

Бунга изоҳ бераркан терма жамоа менежерларидан бўлган Ли Жэ Чол шундай деди: “Бош мураббийимиз қўй гўштини яхши кўради. Араб мамлакатларига келганида албатта қўй гўштидан истеъмол қиладилар. Билишимча, эронлик футболчилар ҳам организмга куч берадиган қўй гўштини кўп ерканлар. Бош мураббийимиз ҳам: “Қўй гўшти еб майдонга чиқадиган форсларга қарши биз ҳам қўй гўшти еб чиқамиз”, дея кулади”. Менежернинг айтишича, июнда Қатар сафарида ҳам Жанубий Корея терма жамоаси қўй гўшти ейишни канда қилмаган ва 4:1 хисобида ғалаба қозонган эди.

Отабек Йўлдошев, Жанубий Корея ,Сеул