Лондоннинг “Челси” жамоаси “Милан” ва Франция терма жамоаси дарвозабони Майк Меньянга кўз тикди. La Republicca хабарига кўра, "аристократлар" биринчи рақамли дарвозабон роли учун "россонерилар" дарвозабонини олмоқчи.
Манбанинг хабар беришича, “Челси” Франция терма жамоасининг асосий дарвозабони трансфери учун 60 миллион евро таклиф қилишга тайёр. Бироқ, шартномани ёпиш қийин бўлади, чунки "Милан" Меньянни ўзининг энг қимматли активларидан бири деб билади ва уни қўйиб юбориш ниятида эмас.
Эслатиб ўтамиз, "Челси" Миланнинг бошқа бир клуби - "Интер" дарвозабонига ҳам кўз тикмоқда. "Нерадзуррилар" дарвозабони Андре Онана ҳам Лондон жамоаси қисқа рўйхатидан жой олган.













