"Ливерпуль" "Брайтон" билан Алексис Макаллистернинг 60 миллион евролик трансфер шартномасини келишиб олганидан кейин яна бир ярим ҳимоячини сотиб олмоқчи.
Инсайдер Фабрицио Романо "Ливерпуль" аргентиналик футболчидан ташқари яна бир ярим ҳимоячи қидираётгани ҳақидаги маълумотни тасдиқлади. Энди клуб олдида учта вариант бор: Менхенгладбахнинг "Боруссия" клуби футболиси Ману Коне, "Ницца" ярим ҳимоячиси Кефрен Тюрам ва "Сельта" футболчиси Габри Вейга.
Эслатиб ўтамиз, аввалроқ "Ливерпуль" "Челси" футболчиси Мейсон Маунтга қизиқиш билдирганди, аммо англиялик футболчи "Манчестер Юнайтед"га ўтиш вариантини афзал кўрмоқда.
