Мадриднинг “Реал” клубини тарк этган испаниялик ярим ҳимоячи Марко Асенсио Франциянинг “ПСЖ” клубига ўтишга яқин турибди.
Фабрицио Романонинг ижтимоий тармоқлар орқали хабар беришича, бугун, 5 июнь куни 27 ёшли футболчи агенти билан шартнома имзолаш учун Парижга учиб кетади.
Аввалроқ ОАВда Марконинг француз гиганти билан меҳнат шартномаси 2027 йилгача ҳисоблаб чиқилиши ҳақида хабарлар пайдо бўлганди.
Испания чемпионатининг сўнгги мавсумида ярим ҳимоячи 31 та ўйин ўтказиб, 9 та гол ва 6 та голли узатмани амалга оширди. У "қироллик" клубида 2015 йилдан буён ўйнаб келмоқда.
