"Барселона" ярим ҳимоячиси Франк Кессиэга Англия Премьер-лигасининг гранд клубидан таклиф бор.
Mundo Deportivo нашрининг ёзишича, 26 ёшли ивуарлик футболчига "Ливерпуль" жиддий қизиқиш билдирмоқда. "Қизиллар" аллақачон каталонияликларга 35 миллион евролик таклифни юборган, дея қўшимча қилди манба.
Эслатиб ўтамиз, Кессиэнинг "кўк-анорранглилар" билан шартномаси 2026 йилгача мўлжалланган. Transfermarkt уни 28 миллион еврога баҳоламоқда. У жорий мавсуда 43 та ўйинда 3 та гол уриб, 3 та голли узатма амалга оширди.